"Etiraf etməliyik ki, bizim günümüz deyildi. Sabah cavab verməliyik və vəziyyəti dəyişməliyik". "Reels.az" xəbər verir ki, bunu "Braqa"nın hücumçusu Abel Ruis deyib.

İspaniya millisinin futbolçusu Avropa Liqasının pley-offunda "Qarabağ"a 2:4 hesabı ilə uduzduqları matçı dəyərləndirib. 24 yaşlı hücumçu bildirib ki, istədikləri oyunu sərgiləyə bilməyiblər:

"Qarabağ" üstümüzdən keçdi. Biz bundan sonra təşəbbüsü ələ almalı, səfər oyununda burada etdiyimizdən daha çox iş görməliyik. Hələ 90 dəqiqə var. Əvvəlcə diqqətimizi çempionat oyununa yönəldəcəyik, sonra Bakıdakı matç haqqında düşünmək üçün 3 gün vaxtımız olacaq. İlk matçla müqayisədə çox fərqli şeylər etməli olacağıq, lakin mərhələni keçmək üçün əlimizdən gələni ortaya qoyacağıq".

Qeyd edək ki, Bakıda keçiriləcək cavab qarşılaşması fevralın 22-də baş tutacaq.