Son zamanlar Yer planetində orta tempraturun artması müşahidə olunur. Qlobal istiləşmə nəticəsində həyat üçün təhlükə törədəcək 3 ssenari mövcuddur. "Reels.az" xəbər verir ki, Rusiya Elmlər Akademiyasının üzvü Aleksey Karnauxov qarşıda cəmiyyəti gözləyən iqlim dəyişmələri barədə danışıb. Alimin sözlərinə görə, planetimiz üçün ən ciddi fəlakət 300 ildən sonra hərarətin 100 dərəcə yüksəlməsidir. Bu halda Yer Venera kimi quru səthə çevriləcək və sivilizasiya məhv olacaq. 
İkinci ssenari Atlantik okeanının şimalına isti Holfstrim cərəyanının istiqamətini dəyişməsi ilə əlaqədardır. Bu zaman Avropa, Rusiyanın qərbi və Şimali Amerikanın şərq sahillərində tempratur 20-25 dərəcə enəcək. Beləliklə, həmin ərazilərdə Buz dövrü başlayacaq. 
Üçüncü ehtimal Qrenlandiya və Antarktikanın örtük buzlaqlarının əriməsi nəticəsində Dünya okeanının səviyyəsinin onlarla metr yüksəlməsi ilə bağlıdır. Su kütləsinin litosfer piltələrinə təzyiqi supervulkanların fəallaşmasına və seysmik hərəkətlərin intensivləşməsinə səbəb ola bilər.