İsrail Braziliya prezidenti Lula da Silvanı arzuolunmaz şəxs elan etdiyini bildirib. "Reels.az" xəbər verir ki, Braziliya lideri Qəzza zolağında baş verənləri soyqırımı adlandırdıqdan və Holokostla müqayisə etdikdən sonra İsrailin xarici işlər naziri İsrael Kas Braziliya Prezidenti Luiz İnasio Lula da Silvanı “arzuolunmaz şəxs” elan edib.

Braziliya prezidentinin beynəlxalq məsələlər üzrə xüsusi nümayəndəsi Selso Amorim isə məsələyə belə münasibət bildirib:
"Luiz İnasiu Lula da Silva Qəzza zolağındakı müharibəni Adolf Hitlerin cinayətləri ilə müqayisə etdiyi üçün İsraildən üzr istəmək niyyətində deyil. Biz həmişə bir-birimizə böyük hörmətlə yanaşmışıq və iki dövlət yaratmaq ideyasını müdafiə etmişik, amma üzr istəmək üçün heç nə yoxdur".