“Təhsilalanların maliyyə savadlılığının artırılması” layihəsi yekunlaşıb. Təhsildə İnkişaf və İnnovasiyalar üzrə VIII qrant müsabiqəsində qalib gəlmiş “Təhsilalanların maliyyə savadlılığının artırılması” adlı layihənin bağlanış mərasimi keçirilib.

 Tədbirdə məktəb rəhbərliyi, təhsil sektorunun əməkdaşları, şagirdlər və müəllimlər iştirak ediblər.

Layihə çərçivəsində 48 şagird seçilmiş və onlara 30 saatlıq təlim təşkil olunmuşdur. Bu təlimlər zamanı məktəblilərə ilkin iqtisadi - maliyyə savadlılığın artırılması, pul nişanları, qənaət və israf, pulun tarixi və büdcə anlayışı mövzular üzrə təlimlər təşkil olunmuşdur. Qeyd edilmiş mövzularında maarifləndirici təlimlər keçirilmiş və əyani vəsaitlər paylanılmışdır.

Xatırladırıq ki, layihə Ağcabədi şəhər 9 nömrəli tam orta məktəbin müəllimi Tağıyeva Günay tərəfindən həyata keçirilir.